لا اعرف ماذا افعل .. صار عمري " 32 سنة " ولسه ما ارتبطت !!

انا فتاة عمري 32 سنة ترددت كتير قبل ما ابعت المشكلة تبعتي لكن الشورى ممكن تفيد ما بدي اطول عليكم .
متل ما قلت انا عمري 32 سنة من عائلة معروفة انا صرت بهاد العمر وبعدني ما ارتبطت لا زواج ولا حتى خطوبة وما بيجيني عرسان اصلا مرة اجاني واحد قريب الي بس صار حكي نسوان بالعيلة وخربو الموضوع .
انا جسمي مليان لكن مو سئ يعني مو متل المليانين ، رح تحكولي انحفي انه هاي المشكلة، بس مشكلتي عندي خلل بالهرمونات وحاولت كل اشي رجيمات ادوية وعالفاضي عندي ارادة بس الدكتور حكالي ممكن يكون زواجك هوة الحل لانه الهرمونات بتتعدل بعد الزواج على الاغلب .
المهم مو عارفة انه ممكن يكون وزني السبب مع اني مو بمدح بحالي بس الحمد لله بيقولولي وجهك حلو .
طبعا اي بنت بهاد العمر بحاجة للاستقرار والوقت عم بيمشي ومو عارفة شو اعمل ، يعني اي بنت بيجيها عرسان انا بالمرة ما اجاني كتير مقهورة والموضوع كتير معقدني .
 


 

تعليقات

الاسم:
البلد :
التعليق :
جميع الحقوق محفوظة لموقع مجدنا | 2011 - 2015
(الآراء المنشورة في الموقع تعبر عن رأي كاتبيها فقط )